السلام عليكم
اخيرا خد اجازة طويلة اجازة شم النسيم يومين مع الجمعة والسبت
اييييييييييييه الله يرحم ايام الطفولة كانت كلها اجازة طبعا قبل ما ادخل المدرسة
طبعا مرحلة السحف دى وما قبلها ماعرفش عنها حاجة
بس كل اللى اعرفه انى جيت غصب عنهم اصلهم ماكانوش ناويين يخلفوا تانى
وبعدين عرفوا انى جيت فسلموا امرهم لله
هههههههههههههههههههههه
وطبعا انا اخر العنقود علشان كدا فانا سكر معقود المثل اللى بيقول كدا
اللى انا فاكرو فى المرحلة دى كويس انى كنت بحب الشاى جدا وكنت بقول على الشاى تشه هههههههههههه
واما مرحلة ما بعد السحف وبدات يكون عندى تمييز شوية فاللى انا فاكروا فيها
ان لما اخواتى كانو يقعدو يذاكرو كنت اتخانق معاهم علشان يدونى كراسة وقلم واقعد ازاكر معاهم آآآآآآآآآآآآآآه ما كنتش عارف اللى فيها
بعد كدا كنت باضرب بالشباشب علشان ازاكر
ههههههههههههههههههههههههههههه
مع بداية امساكى بالقلم والاوراق ظهرت عندى موهبة الرسم كنت احب ارسم اوى
فى الفترة المبكرة دى رسمت والدى وهوا جالس امامى ورسمت ابنة خالتى
اخواتى كانو منبهرين اوى
ورسمت اشكال كتير من الطبيعة
لما دخلت المدرسة كان لازم الفترة القصيرة اللى بين الحصة والتانيه كان لازم ازور السبورة والطباشير وارسم وفى الفسحة وفىنهاية اخر حصة مش بس كدا وكمان على التختة وفى هوامش كتبى
انا بطبعى هادى ما كنتش شقى ما افتكرش ان ايام طفولتى عملت اعمال تخريبية وتدميرية زى اللى بيعملها ابن اخويا دلوقت مجننا ومخلينا نشد فى شعورنا
كل اللى انا فاكرو وكان ساعتها عندى خمس سنوات انى بوظت التلفزيون بس كان غصب عنى والله
كنا بنتفرج على مسلسل شيق وبعدين الكهربا قطعت فزعلت جدا وفضلت قاعد جنب التلفزيون واول ما الكهربا جد بسرعه حطيت صباعى على الزرار ماعرفش ايه اللى حصل التلفزيون عمل تق والشاشة ابيضت وبعدين اسودت وبعديت فصل خااااااااالص
طبعا ما ضربونى يعنى كانو عرفين ان غصب عنى بس دا ما منعش انهم ادونى كلمتين على الماشى مع شوية تهزيق على ما قسم
الاولاد كلهم لو سألتهم فى الوقت دا نفسك تطلع ايه كانو يقولوا ظابت او دكتور او طيار
لكن لما سألونى انا كنت بقلهم عاوز اطلع سكرتير
ايه السبب الله اعلم وما عرفش ايه حكاية سكرتير دى
ما كنتش بحب المزاكرة اوى علشان كدا اتضربت كتير بسببها من اخواتى كل ما يشوفونى زاكر زاكر زاكر
العجيب بقى ان والدى ووالدتى عمرهم ما قالولى الكلمة دى
بس والله الواحد كان عندو احساس
اقولكم ازاى
وانا فى تانية ابتدائى زى اى طفل خرجت الصبح وكانت ايام شتا تلج خرجت على المدرسة وكان نظام المدرسة ان الباب يغلق بعد دخول الاطفال مباشرة واللى يتاخر يستنى برة لحد الطابور ما يخلص وبعدين يفتحولهم ويضربوهم بالعصاية وبعدين يدخلوا على الفصول
فى اليوم دا للاسف وصلت بعد ما الباب اتقفل علطول كنت خايف جدا الدنيا برد وهتضرب بالعصايا فى عز التلج كان فى تلاته من زمايلى متاخرين وكانو اصلا من اللى غاويين هروب طبعا فضلم يتكلمو ويخوفونى وقالولى تعالى معانا نمشى ومانستناش علشان هيضربونا جامد تعالى اهرب معانا
ضعفت ادام كلامهم وسمعت كلامهم ومشيت معاهم راحو مكان بعيد جدا واجتمعو مع اطفال هربنين من مدارس تانيا اتارى المكان دا معروف ليهم قسموا نفسهم مجموعات وفضلوا يلعبو حاولو كتير انهم يخلونى العب معهام وانا رفض وفضلت قاعد جمب الحيط كان عندى شعور ان الناس كلها بتبص عليا ان الناس كلها عارفا انى هربان قعت طول فترة المدرسة ما بتحركش من مكانى ومتدايق اوى اوى والوقت ما بيمشيش حسيت انى قعت عشرين سنة
ولما جه معدا خروجنا من المدرسة قالولى يللا علشان نروح فى معادنا شلت شنطتى ومشيت فى قمة الاكتاب والخوف روحت البيت غيرت هدومى لقيت امى جابتلى اشهى اكل حطت الاكل قدامى بصيت للاكل وقلت فى نفسى انا ما استاهلش الاكل دا المهم كلت ولما خلصت لقيت امى جابتلى فاكهه قلت فى نفسى وكمان فكهه وكانت فى اليوم دا احلى فكهه بردو
واليوم دا ما اتكررش تانى
الطفل ممكن يحب
انا عن نفسى حبيت وانا فى حمسة ابتدائى
زميلة ليا فى الفصل وكنت احلم احلام يقظة انها بقت زوجتى واتخيل انها ماشيا معايا وانها بتساعدنى بس طبعا موش بنفس معنى الحب الرومانتيكى فى سن الشباب والمراهقة
اقدر اقول ان دى كانت اول حالة حب عندى ههههههههههههههههههههه
بس ما افتكرش ابدا انى عاكست بنت ماشيا فى الشارع
ولا فى سن المراهقة مشيت مع بنت او كلمتها فى تليفون
بس دايما زمايلى كانو يقصدونى فى انى اكتب ليهم جوابات غرامية وارسملهم عليها ورود وقلوب واكتبلهم شعرعلشان يبعتوها للجيرلز فرند بتوعهم كنت محترف الحجات دى بس عمرىما عملتها لنفسى
ممكن تبكى من غير ماتعرف السبب
حصلتلى وانا فى البتدائى بردو
كنت فى المدرسة لقيت نفسى ببكى وابكى وابكى لفترة طويلة جدا استمرت لفترة اربع حصص لحد المدرسة كلها ما عرفت انى ببكى الكل عمال يسألنى فيه ايه بتبكى ليه وانا ابكى اكتر وكل واحد افتكر انو مزعلنى فى حاجة جه يسألنى انا زعلتك فى حاجة زمايلى واساتزتى وكل اللى انا بعمله انى ببكى وما اعرفش انا ببكى ليه
لحد انهارده موش عارف انا كنت ببكى ليه
بس تفسيرى انها ممكن تكون حاجة فى بؤرة اللا شعور عندى وللا فى عقلى الباطن الله اعلم
هههههههههههههههههههههههه
كفاية كدا علشان زهقتكو جامد اعزرونى عيل بقى
ههههههههههههههههههههه
