ظاهره تتمنى زوالها

انا اللي اخرني كنت بفكر في الظواهر لقيت الظواهرة السئية ملهاش حصر
انا اللي بيدايقني كتير
والله انا مش عرفة اقول اية ولا اية
البطاله وجلوس الشباب والشابات من دون عمل والاعتماد علي الاهل
ظاهرة التدخين لدي الشباب وكمان التدخين في المواصلات الموضوع دة بيخنقني جدا لما اركب اي مواصلة والسواق او الركاب بيدخنوا
والرشوة والفساد والواسطة وحاجة تانية التوك توك الحمد لله انة موصلش عندنا بس انا شوفتة منتشر في الجيزة وشكلة مش حضاري الحمد للله ان الوباء دة موصلش كفاية علينا الميكروباص وظاهرة القاء القمامة في الشارع وغيرها وغيرها الكلام في الظواهر دي مش هينتهي بس دي اكتر حاجة بتدايقني

والله انا نسيت حاجات كتير كتبت اللي بيدايقني ويزعجني
وكلامك بردة صحيح انعدام الخجل اص اللي اختشوا ماتو
وظاهرة جديدة كلمة انت عارف انت بتكلم مين
اي حد بقي يقولها كانهة ابن الريس وعجبي

هههههههههه
المشكلة ان الاشكال اللى زى دى الواحد يكلمهم بالزوق يفتكرو ان انتا خايف منهم ويتطاولو اكتر
والله كتير بيضطروا الواحد غصب عنو انو يديهم بالجزمة

اييييييييييييه
الف رحمة ونور على زمن الزوق
انا كنت فى فرح النهاردة حصل خناقتين فيهه بسبب قلة زوق فى النهايه

السلام عليكم
انا اؤيدك في ظاهرة قلة الذوق والاحترام وخاصة بالنسبة للمدرسين
زمان كنا في البيت نقول استاذ والان في المدرسة تسمع طلبة ينكلموا على مدرسيهم باسمائهم من غير احترام
واتمنى زوال ظاهرة الغش في المدارس
وظاهرة المسلسلات التركية المنتشرة هذه الايام والقنوات الفضائية الهابطة اي المبتعدة عن الدين بصفة عامة

اتمنى زوال ظاهرة الخيانة والكذب فى المجتمعات الخيانة والكذب بقى فى اى حاجة سواء بين الاصدقاء او بين الناس وبعضهم او بين البائع والمشترى فعلا حاجة بقت تكسف.
واتمنى زوال الوحدة اللى بتمسك الانسان دى بتخليه يزهق وممكن تضطره انه يقتل نفسه وينتحر والعياذ بالله.
شكرا لكم بارك الله فيكم.

قلة الذوق والاحترام هي الي اتمني زوالها
وان شاء الله يخفف منها حتي تنتهي

ياريت وكلنا بنتمي معاكي ونؤيدك شكر لمرورك ندا

لا شكر علي واجب سفيرة انا عضوة هنا ومن واجبي اعطي ردودي