مصراويه المشرفة العامة للفرسان
المشاركات : 3531 العمر : 39 مزاج : علم بلدي : احترم قوانين المنتدي : وسام التميز : رقم العضوية : 1 مهنتي : هوايتي : اذكار : السٌّمعَة : 24 نقاط : 1554 تاريخ التسجيل : 30/12/2007
| موضوع: الفلوس الفلوس الأربعاء مارس 11, 2009 4:15 pm | |
| الفلوس الفلوس
أصل السعود والنحوس
يمكن صحيح وَيَّا التيوس
لكنها ... نعمة أقوى م التروس
إِنْ فِ يوم صابك مصاب، أو حتى جالك اكتئاب
وكان لازم لك طبيب نفوس
هتقول يا سيدي: فين الفلوس؟
إن كتب لك طبيب دوا، أو حتى قال شم الهوا
أو هات برشامة ولا حقنة أو لبوس
هتلزمك أورطة فلوس.
إن حبيت تبني عمارة، أو تِأجَّر شقة في حارة
ومعششة جيش م الناموس
هتقول آآآه لو فيه فلوس؟
إن حبيت تاكل ليلاتي كباب وكفتة وتحلّي بجيلاتي
أو حتى فول مخلوط بسوس
برضه لازمك شِوال فلوس.
إن حبيت تسكن في فيلا، تشتري عَجَلَة أو تريللا
أو مزرعة فيها جاموس
راح تلزمك أورطة فلوس.
إن حبيت وقت هادي، ع الكورنيش أو في المعادي
وطلبت شاي أو عرقسوس
راح يلزمك كيس الفلوس.
إن حبيت تخطب "تهاني" بنت عم الشيخ فلاني
لازم هدية للعروس
وهتلزمك أورطة فلوس!
لو أهل بيتك متعبين، والعيال –يا قلبي- تعبانين
وفي الجايـَّـة: شوفوا المتعوس
يبقى لازم كيس فلوس.
لو تشتري هدمة لعيل، أو على الجزار تميِّـل
وف رمضان بتحيب فانوس
راح تلزمك أورطة فلوس.
إن حبيت في يوم تهيّص أو اتخنقت وراح تفيّص
واتلم الورثة ونزلوا بوس
يبقى طبعاً فيه فلوس!
لو تسيب أهلك وناسك، وتحط راسك مكان مداسك
وتخفي الدموع جوّه الرؤوس
يبقى ده لاجل الفلوس!
يوم ما تبقى فلوس كتيرة، تلقى نفسك آه في حيرة
وتنام مفتح كما الملحوس
والسبب أيه غير الفلوس؟
ويوم ما تبقى البطن خاوية، وعيال تصرخ والأم ناوية
تمد إيدها للمجوس
يبقى كله م الفلوس!
ولما يطمع فيك صحابك، والعدو ييجي لبابك
والشريف يصبح جاسوس
يبقى ده موضوع فلوس.
إن حبيت تغسل هدومك، ولاّ جيت "تنشر" علومك ولاّ حتى تجيب قاموس يبقى لازم لك فلوس.
الفلوس الفلوس
من غير جنابها راح تحوس
والكارثة في ضعف النفوس
الفلوس الفلوس
الفلوس الفلوس
والله دي أكبر كابوس.
منقول | |
|
ouzores شخصية مهمة
المشاركات : 2073 العمر : 45 مزاج : وسام التميز : رقم العضوية : 43 هوايتي : السٌّمعَة : 51 نقاط : 157 تاريخ التسجيل : 20/02/2008
| موضوع: رد: الفلوس الفلوس الخميس مارس 12, 2009 12:12 am | |
| هاهاهاهاهاهاهاهاهاهاهاهاهاهاها
آآآآآآآآآآآآآآآآآآآآآآآآآآه رضاك يارب ششششششكررررااااااا مصراوية ويارب يبقى معاكى فلوس كتييييييييييير | |
|
مصراويه المشرفة العامة للفرسان
المشاركات : 3531 العمر : 39 مزاج : علم بلدي : احترم قوانين المنتدي : وسام التميز : رقم العضوية : 1 مهنتي : هوايتي : اذكار : السٌّمعَة : 24 نقاط : 1554 تاريخ التسجيل : 30/12/2007
| موضوع: رد: الفلوس الفلوس الخميس مارس 12, 2009 3:57 pm | |
| | |
|