شيلى صورتك انتى مش فرجة!!!!

مصيبة الصور بتاعة البنات اللي مجودة على الفيس بوك او النت مش مصيبة واحدة , دة كوكتيل مصايب للبنت

تخيلي صورتك دي اللي انت حاطها او مجوعة الصور اخدها واحد عنده او اتنين وركبوا عليها صور اباحية ونشرها من تاني على النت , وانتي كنتي كاتبه في البروفيل بتاعة معظم بيناتك على الاقل اسمك وسنك , تخيلي ممكن يتشهر بيكي ازاي ؟؟
وسمعتك تبقى في الارض ازاي

ويااااااااه لو حد من اهلك شاف المصيبة دي ممكن يروح فيها او يتصرف تصرف بعصبية ممكن يودي بفسه في داهية

المصيبة الأكبر
ان كل بنت لما بتحط صورها على الانترنت وخصوصا الفيس بوك بتبقى صورتها مكشوفة للعالم كله , وشوفي بقى الدنيا زي ما فيها الخير فيها الشر وزي ما فيها الطيب فيها الوحش

شوفي بقى انتي بكدة بتوصلي الإسلام بصورة غير لائقة

يقولوا بقى هي دي المسلمة اللي لابسة كده

بقى هي دي الأم المسلمة اللي بتقود اجيال

المصيبة والكارثة انك تلاقي بنت حاطة صورتها بالمايوة او بلبس مش لبس او مافيش خالص , والأسم مسلمة
طب تيجي ازاي؟؟

آه هو في دسائس وناس تعمل روحها بنات وتعمل الموضوع ده او من اعداء المسلمين يعموا كده عشان ينتصروا ويهزموا الاسلام

بس لا وألف لا مش حيحصل وبإيديكي تحافظي على نفسك وتحافظي على عيلتك وتحافظي على دينك

والاهم من دة كله في الموضوع دة

ربنا مطلع عليكي

حتقوليله ايه يوم القيامة لما يسئلك عن الصور اللي انت ناشراها على الفيس بوك؟؟

حتقوليله يارب انا كنت بعمل ده على سبيل الروشنة , ولا كنت بعمل ده علشان اشد ولاد ويعاكسوني ولا كنت بعمل كده عشان يجيلي عرسان , او كنت بعمل ده عشان اصاحب واحب واتحب

آه يارب انت فارض عليا الحجاب بس انا ماكنتش بلبسها
آه وسعات بلبس طرحة بس, بس باقي جسمي كلة باين وظاهر لان الهدوم اللي عندي كلها ضيقة

آه يارب انا سمعت حديث رسول الله صلى الله عليه وسلم
قال رسول الله صلى الله عليه وسلم : (أيما امرأة استعطرت فمرت بالقوم ليجدوا ريحها فهي زانية) .رواية النسائي.

فلا أدري ما الذي أبقينه من الحياء الذي هو زينة المرأة وجمالها الحقيقي؟

قال صلى الله عليه وسلم: (صنفان من أهل النار لم أرهما .. وذكر:
ونساء كاسيات عاريات مميلات مائلات ، رؤوسهن كأسنمة البخت المائلة،
لا يدخلن ولا يجدن ريحها، وإن ريحها ليوجد من مسيرة وكذا) رواه مسلم
.ولهذه الفتاة التي تقدم هوى النفس على حكم الله نقول لها: اسمعي وتدبري

قول الله تعالى: (ولا تتبع الهوى فيضلك عن سبيل الله) ص: 26

لقد عرف أعداء الإسلام أن في فساد المرأة وتحللها إفساداً للمجتمع كله.
يقول أحد كبار الماسونيين: كأس وغانية تفعلان في الأمة المحمدية أكثر
مما يفعله ألف مدفع، فأغر قوهم في حب المادة والشهوة.

دة بالاضافة ان مايكونش ليكي صورة في اي مكان مع اي حد حتى لو كانت واحدة صاحبتك عشان صورتك ممكن تبقى عند اخوها او ابن عمها او ابن خالها او ابن خالتها وتتنقل الصورة

خللي بالك , ولا تتصوري مع صاحباتك والصور تفضل كده عادي في اي مكان شيلوها على اسطوانة ولما تحبوا تشوفوها شوفوها انتم بس بنات في بعض يعني

وربنا يهدي الجميع

ومش عايزين ربنا يغضب علينا
لما كل واحد يشوف صورتك ويشيل هو ذنب انه ماغضش البصر وتشيلي انتي ذنب انك حاطة صورتك

شوفي كاااااااااااام واحد شاف الصور دي
وشوفي كام ذنب شلتيييييييييييه

خللي بالك الذنوب دي كلها ممكن تتحول حسنات لو توبتي لربنا وحذفتي الصور من على النت والفيس بوك عموما لانه عالمي واكثر انتشار

وربنا يهديكي ويهدي الجميع وماتنسيش لو الايفينت عاجبك اعزمي عليه كل اصحابك البنات عشان يحذفوا صورهم زيك

ها

انوي وماتتردديش دي الجنة سبب دخولها رحمه ربنا وعشان ربنا يرحمنا لازم نعمل اللي يرضيه ونبعد عن اللي يغضبه ويرقب الناس من معصيته

وانتي صورك على النت او الفيس بوك ممكن تساعد شاب انه يعمل الحرام بأي نوع من الانواع

ف ليه تكوني اداه للقضاء على الشباب المسلم او شباب بلدك

خللي بالك لو شيلتي صورك دلوقتي بفضل الله وبإذنه حتتحول الذنوب دي كلها الي حسنات

ودي ذنوب عظيمة مش اي كلام

ومافيش فرق مابين واحدة حلوة اوي وشكلها مغري وواحدة اوحش شوية ده بالنسبة للذنب

بس طبعا الحلوة اوي حيتبصلها اوي وكتير واللي نص نص حتبصلها اقل وهكذا بس الذنب على البنت واحد لانها عاملة عرض ازياء لجسمها

وماتكونيش سلعة الكل يتفرج عليها ويتكلم عليها ويتغزل فيها ويقول كلام قبيح عليها

تسلم ايديك
و إن شاء الله يكون في ميزان حسناتك

العفو محبة شكرا لمرورك